在距離上一篇在八月寫的”在疫情間期移民”原來已經過5個幾月, 太太的澳洲牌照於12月搞好, 最後一步既visa亦於今日終於confirm了. 由於預計機位會好緊張, 我地其實先一步已經買咗5月既flexi機票. (萬一visa出了咩事要delay, 都可以隨時更改)
而我亦順利照計劃搵到份remote既工, 人工仲比以前高咗些少添 (當然係稅前…如果交完澳洲既稅之後 :( …) 不過其實呢一切都係預計之內, 叫做按計劃進行, 無乜好投訴, 相反應該要感欣.
除了機位緊張外, 另一樣拖住人既就係無犯罪紀錄證明書(良民證). 因為武肺關系, 而家要拎良民證係要上網先預約, 而我經驗係未來既一個月所有booking slots都係爆既!! 要拎良民證既就要好似搶新iPhone咁每日中午12點佢一開下個月新一日時狗衝去預約.
最後其實澳洲移民局係無等我地既良民證寄到去就批咗個VISA, 原因係太太既澳洲director寫咗封信擔保. 唔係既都仲有排等…想快既朋友不妨問下你澳洲份工果邊有無人肯幫你寫封信.
黎緊既手尾就係要寄傢俬, 清稅, 賣埋架車, 就同呢個我地生活咗三十幾年但越來越陌生既地方講再見. 既開心, 又難過.